د ننګرهار ولایت په روداتو ولسوالۍ کې یو پلار خپله هغه ۱۶ کلنه لور په ډزو وژلې چې له جبري نکاح یې انکار کړی و.
حماسه ميډیا ته د روداتو د ابو یحیی خیراباد او میرانو سیمې سره نږدې د کډي جان خان کلي اوسېدونکو تایید کړې چې په دغه کلي کې یو پلار خپله ۱۶ کلنه لور وروسته له هغې په ډزو وژلې چې د یو خوستي سپین ږیري ته د ۵۰۰ سوه زرو افغانیو په بدل کې ورکړل شوې وه.
دغې سرچینې ویلي چې د دغې مقتولي نجلۍ قاتل پلار وروسته د خپلې لور د وژلو خوست ته تښتېدلی.
د ننګرهار ولایت د طالبانو حکومت ځایي مسولینو هم تر دې دمه څه نه دي ویلي.
