د ایران ولسمشر مسعود پزشکیان ویلي، تهران باید له امریکا سره روانه جګړه اوس پای ته ورسوي، ځکه په وینا یې، ایران د «ځواک او عزت» په موقف کې دی او نړۍ یې بریا مني.
پزشکیان له ډاکټرانو سره په یوه لیدنه کې ویلي چې د جګړې پای ته رسول به په اوسني وضعیت کې د ایران په ګټه وي.
هغه ادعا کړې چې نړیواله ټولنه د ایران بریا مني او پر امریکا یې نیوکه کړې چې د جګړې پر مهال یې د ایران ښوونځي، روغتونونه او زیربناوې په نښه کړې دي.
پزشکیان دا څرګندونې داسې مهال مطرح کوي چې یوې هوکړې ته د رسېدو لپاره د ایران او امریکا ترمنځ خبرې لا هم ځنډېدلې دي.
