د هرمز تنګي له لارې د بېړیو تګ راتګ د سهشنبې په ورځ بیا کم شوی او یوازې ۶ بار وړونکې بېړۍ له دغه ستراتیژیک سمندري مسیر تېرې شوې دي.
د کښتۍ چلونکو د معلوماتو له مخې، ډېری د بېړیو مالکانو د تنګي د بېرته پرانیستل کېدو په اړه د روښانه نښو د نشتوالي له امله له دې لارې له تېرېدو ډډه کړې ده.
د سمندري بېړیو او انرژۍ د معلوماتو د څارنې شرکت Kpler د معلوماتو له مخې، د سهشنبې په ورځ یوازې ۶ بېړۍ د هرمز له تنګي تېرې شوي، حال دا چې یوه ورځ مخکې ۹ بېړۍ او په تېرو لسو ورځو کې هره ورځ په اوسط ډول ۱۱ بېړۍ تېرېدلې.
