د ملګرو ملتونو امنیت شورا په افغانستان کې د ملګرو ملتونو د مرستندویه پلاوي (یوناما) ماموریت د یوه بل کال لپاره وغځاوه.
د شورا په تازه پرېکړهلیک کې د افغانستان د بشري حقونو د وضعیت په اړه اندېښنه څرګنده شوې، او په ځانګړې توګه د ښځو او نجونو د حقونو موضوع ته اشاره شوې ده.
په پرېکړهلیک کې ټینګار شوی چې یوناما به په افغانستان کې د سولې، ثبات، بشري حقونو او بشري مرستو د همغږۍ په برخه کې خپلو فعالیتونو ته دوام ورکړي.
د ملګرو ملتونو امنیت شورا همدارنګه له ټولو اړخونو غوښتي چې د بشري حقونو درناوی وکړي او د افغان ښځو او نجونو د اساسي حقونو د خوندیتوب لپاره لازم ګامونه پورته کړي.
