تمدن ټلوېزیون ویلي، د دې رسنۍ پر مرکزي دفتر د طالبانو حکومت د امنیتي ځواکونو له یرغل وروسته یې خپرونې بندې شوې دي.
یاد ټلوېزیون په یوه خبرتیا کې ویلي چې دا پېښه د محرم د تاسوعا او عاشورا له ورځو سره هممهاله رامنځته شوې ده.
تمدن ټلوېزیون د افغانستان له خلکو، په ځانګړي ډول د عاشورا له ماتم کوونکو غوښتي چې دا موضوع په جدي ډول وڅاري او د راتلونکو تحولاتو په اړه بیداره واوسي.
تر اوسه د طالبانو حکومت چارواکو په رسمي توګه د دغې پېښې او د تمدن ټلوېزیون د خپرونو د بندېدو په اړه څه نه دي ويلي.
