نن د مالیزیا په کوربتوب آسیایي لوبو ته د ښځو د کرکټ لوبډلو د غواروي سیالۍ د تایلنډ، مالیزیا او چین په لارموندنې پای ته ورسېدې.
تایلنډ په پایلوبه کې مالیزیا ته د ۹ وېکټو په توپیر ماتې ورکړه او د غوراوي پړاو اتلولي یې خپله کړه په داسې حال کې چې چین د درېیم مقام په خپلولو سره د دریمې لوبډلې په توګه آسیایي لوبو ته لار پیدا کړې.
په ورته مهال نن یکشنبه(مې ۳۱مه) د نارینوو د لوبډلو ترمنځ هم آسیایي لوبو ته د غوراوي سیالۍ پیلیږي چې نیپال، عمان، هانګ کانګ، مالیزیا، بحرین او چین لوبډلې به په کې ګډون ولري.
د معلوماتو له مخې، مخکښې او لوړ رېنک کېنګ لرونکې لوبډلې لکه هند، افغانستان، پاکستان، سریلانکا او بنګله دېش ښايي مستقیم اصلي سیالیو ته لار ولري، خو نورې لوبډلې به د غواروي پړاو له لارې په آسیایي لوبو کې د ګډون هڅه کوي.
ټاکل شوې د ۲۰۲۶ کال آسیایي سیالۍ د سپټمبر په ۱۹مه د جاپان په کوربتوب پیل شي، تېر کال د چین په کوربتوب هم افغان لوبډله د دې سیالیو برخه وه چې د سپینو زرو مډال یې په کې وګاټه.
