د افغانستان د بیارغونې لپاره د امریکا د ځانګړي څارونکي پخواني مشر جان ساپکو ویلي، واشنګټن د هغو افغانانو باور له منځه وړي چې د امریکا د ساتنې پر ژمنو یې باور کړی و.
ساپکو ویلي، شاوخوا ۱۵۰ زره تر ۱۶۰ زره افغانان امریکا ته لېږدول شوي، خو لا هم سلګونه زره نور د لېږد په تمه دي.
د هغه په وینا، له امریکا سره د همکارۍ له امله د خطر سره مخ افغانان، په ځانګړي ډول خبریالان، لا هم د امنیتي ګواښونو سره مخ دي.
ساپکو دغه موضوع د امریکا د ملي امنیت مسئله بللې او خبرداری یې ورکړی چې د واشنګټن له لوري د خپلو ژمنو نه پوره کول به د امریکا پر راتلونکو متحدانو د دغه هېواد باور کمزوری کړي.
ساپکو له دې مخکې هم د افغانستان په اړه د امریکا د پالیسۍ او د بیارغونې د پروګرامونو د ناکامیو په اړه نیوکې کړې دي.
