د پاکستان د پارلمان پخواني مشر او د تحریک انصاف مخکښ غړی اسد قیصر وايي د افغانستان او پاکستان ترمنځ روانو کړکېچونو د خیبرپښتونخوا اقتصاد له سخت فشار سره مخ کړی دی.
د هغه په وینا، د سرحدي ستونزو او سیاسي ترینګلتیا له امله په پښتونخوا کې د پانګونې بهیر ورو شوی او د صنعت ډېری برخې یې له تاوان سره مخ شوې دي.
د عزیزي شرکت مشر میرویس عزیزي وايي، دغه شرکت په وروستیو پنځو میاشتو کې د نږدې پنځه میلیارده ډالرو په ارزښت هغه تخنیکي تجهیزات برابر کړي چې له لارې به یې شاوخوا پنځه زره ميګاواټه برېښنا تولیدېږي.
د ده په وینا، په راتلونکو شپږو میاشتو کې به د لس زره ميګاواټه برېښنا د تولید پروژې په بېلابېلو سیمو کې عملي برخې پیل شي.
عزیزي وايي چې د تخنیکي ارزونو لپاره د شرکت ټیمونو افغانستان ته سفرونه کړي او د ماشینالاتو د برابرولو په هدف یې جرمني، هالنډ، اتریش، امریکا، چیلي او چین ته کاري سفرونه ترسره کړي.
هغه زیاتوي چې د اوبو، ګاز او باد له لارې د نورو تولیدي فابریکو د تدارک پروسه به راتلونکي کال په دویمه نیمایي کې هم روانه وي او د طالبانو حکومت له مرستو یې مننه کړې ده.
د روسیې ولسمشر ولادیمیر پوتین نن د دوه ورځني رسمي سفر لپاره هند ته روانېږي.
راپورونه وايي چې د دې سفر اصلي تمرکز به د مسکو او نويدېلي ترمنځ ستراتیژیکې اړیکې او پوځي همکارۍ نورې پیاوړې کول وي.
سرچینه زیاتوي چې دواړه هېوادونه د سوخو–۵۷ جنګي الوتکو د ټکنالوژۍ د لېږد موضوع هم څېړي.
تمه کېږي پوتین به د هند له لومړي وزیر نرېندرا مودي سره ګڼې رسمي او غیر رسمي لیدنې ولري، او ورسره به لوړپوړي پوځي چارواکي او د سترو روسي شرکتونو استازي ملګري وي.
په واشنګټن کې د یوه افغان کډوال له برید وروسته، د امریکا په استازو جرګه کې د کډوالۍ د تګلارو په اړه لانجې او ناندرۍ ډېرې شوې دي.
جمهوريپالو استازو د بایډن د حکومت پر کډوالۍ نیوکې وکړې او د سختو بدلونونو غوښتنه یې وکړه.
ځینو استازو آن د قانوني کډوالۍ د محدودولو خبره کړې، په داسې حال کې چې نورو د اړتیاپر بنسټ د کډوالۍ د تنظیم ملاتړ کړی دی.
دغه بحثونه وروسته تر هغه تاوده شول چې افغان کډوال رحمانالله لکڼوال د ملي ګارد پر عسکرو برید وکړ او یوه سرتېره یې ووژله.
د طالبانو حکومت د ریاستالوزراء اقتصادي مرستیال ملا عبدالغني برادر اخوند، د ایران د روغتیا وزارت مرستیال مهدي پیر صالحي او سفیر علي رضا بیکدلي سره د یوې ناستې پر مهال اعلان کړی چې افغانستان او ایران به د درملو او طبي وسایلو د تولید او صادراتو په برخه کې اوږدمهاله همکاري پراخه کوي.
ایراني لوري ویلي، تهران چمتو دی چې په افغانستان کې د درملو او طبي تجهیزاتو د تولید ظرفیتونه لوړ کړي او صادرات یې زیات کړي.
ملا برادر د ایران له پرېکړې مننه کړې او ډاډ یې ورکړی چې د “اسلامي امارت” اړوندې ادارې به په دې برخه کې له تهران سره نږدې ګډ کار وکړي.
د رویټرز خبري اژانس د خپلو سرچینو په حواله لیکلي چې افغانستان او پاکستان په ریاض کې د وروستیو خبرو پر مهال د اوربند د دوام پر سر سلا شوي دي.
د راپور له مخې، په دغو مذاکراتو کې د پاکستان د پوځ، استخباراتو او بهرنیو چارو وزارت لوړپوړیو استازو ګډون کړی و.
له دې وړاندې سرچینو ویلي وو چې دواړو لوريو د مستقیمو خبرو لپاره د یوه ګډ چوکاټ د جوړېدو پر موضوع هم بحث کړی دی.
تاجکستان د افغانستان له پولې سره د امنیتي وضعیت د خرابوالي له امله له روسیې غوښتي چې ګډه پولهساتنه یا ګزمې پیل کړي.
دغه غوښتنه وروسته له هغه مطرح شوې چې د پولې ترڅنګ په یوه اونۍ کې د دوو جلا بریدونو په پایله کې پنځه چینايي کارکوونکي چې د کانونو او جوړولو په پروژو بوخت وو، ووژل شول.
دوشنبې د پولې وضعیت ناارام بللی او ټینګار یې کړی چې د روسیې بېړنۍ همکاري ضروري ده.
د رویټرز د راپور له مخې، د تاجکستان او روسیې ترمنځ د ګډو سرحدي ګزمو د جوړښت لپاره خبرې روانې دي.
دغه ګډې ګزمې به د افغانستان سره په ۸۵۰ کیلومتره اوږده پوله ترسره شي.
روسیه دا مهال په تاجکستان کې زرګونه پوځیان لري، او دواړه هېوادونه د مسکو په مشرۍ د CSTO امنیتي تړون غړي دي.
تاجکستان د افغانستان له پولې سره د امنیتي وضعیت د خرابوالي له امله له روسیې غوښتي چې ګډه پولهساتنه یا ګزمې پیل کړي.
دغه غوښتنه وروسته له هغه مطرح شوې چې د پولې ترڅنګ په یوه اونۍ کې د دوو جلا بریدونو په پایله کې پنځه چینايي کارکوونکي چې د کانونو او جوړولو په پروژو بوخت وو، ووژل شول.
دوشنبې د پولې وضعیت ناارام بللی او ټینګار یې کړی چې د روسیې بېړنۍ همکاري ضروري ده.
د رویټرز د راپور له مخې، د تاجکستان او روسیې ترمنځ د ګډو سرحدي ګزمو د جوړښت لپاره خبرې روانې دي.
دغه ګډې ګزمې به د افغانستان سره په ۸۵۰ کیلومتره اوږده پوله ترسره شي.
روسیه دا مهال په تاجکستان کې زرګونه پوځیان لري، او دواړه هېوادونه د مسکو په مشرۍ د CSTO امنیتي تړون غړي دي.
د طالبانو حکومت رئیسالوزراء ملا محمدحسن اخند د قطر د نوي سفیر مردف بن علي القاشوطي باورلیک رسماً ومانه.
د طالبانو حکومت مرستیال ویاند حمدالله فطرت ویلي، چې دا مراسم نن په ګلخانې ماڼۍ کې د بهرنیو چارو وزیر مولوي امیرخان متقي او د رئیسالوزراء د دفتر د عمومي رئیس ډاکتر ملا عبدالواسع په حضور کې ترسره شول.
د فطرت په خبره، رئیسالوزراء د قطر نوي سفیر ته ښه راغلاست ویلی او د دواړو هېوادونو د اړیکو د لا پیاوړتیا هیله یې څرګنده کړې ده.
ملا محمد حسن اخند ویلي چې قطر په سختو شرایطو کې د افغانستان ترڅنګ ولاړ دی.
په دې لیدنه کې نوي سفیر ویلي چې په افغانستان کې د خپل ماموریت پیل ورته د ویاړ ځای دی او ژمنه یې کړې چې د قطر او افغانستان اړیکې او همکاري به نوره هم پراخوي.
د بهرنیو چارو وزیر مولوي امیرخان متقي هم د نوي سفیر په ټاکل کېدو خوښي ښودلې او د لازمې همکارۍ ډاډ یې ورکړی.
د طالبانو حکومت د مالیې وزارت د نفتی توکو د کیفیت او څارنې ریاست ویلي، د روان کال د عقرب میاشتې په ترڅ کې یې د هېواد له بېلابېلو ګمرکونو څخه ۱۶ ټانکره بېکیفیته نفتی توکي مسترد کړي دي.
د وزارت په خبرپاڼه کې ویل شوي چې په دغو توکو کې ۳ ټانکره ډیزل، ۴ ټانکره اوبلن ګاز، ۱ ټانکره روغنیات د ننګرهار له ګمرکه، ۴ ټانکره ډیزل له حیرتان بندر او ۴ ټانکره پټرول د شیرخان بندر څخه بیرته ګرځول شوي دي.
خبرپاڼې زیاته کړې چې یاد وزارت هره ورځ د هېواد په ټولو ګمرکونو کې د نفتی موادو د کیفیت د معلومولو لابراتواري بهیر په مسلکي ډول تعقیبوي، څو هېواد ته یوازې معیاري او خوندي نفتی توکي وارد شي.