د امریکا ولسمشر ډونالډ ټرمپ د دغه هېواد دفاع وزارت او د کورني امنیت وزارت ته امر کړی، چې ګوانتانامو زندان کې د ۳۰ زره ناقانونه کډوالو لپاره ځای جوړ کړي.
ډونالډ ټرمپ ویلي، چې دغه مرکز ته به امریکا ته ګواښ پېښونکي کډوال ولېږدوي.
د یادونې ده چې په ګوانتانامو کې د امریکا پوځي اډه پخوا د ترهګرو په ګډون د بندیانو د ساتلو لپاره کارول کیده.
په دغه زندان کې امریکا د عراق او افغانستان د جګړو پر مهال د طالبانو د ځینو مشرانو په ګډون زرګونه کسان بندیان کړي وو.
