بښنې نړیوال سازمان د زده کړې د نړیوالې ورځې په مناسبت له نړۍ غوښتي، چې په افغانستان کې د بشري حقونو سرغړونې پای ته ورسوي.
دغه سازمان په یوه بیان کې ویلي، چې نړۍ دې طالبان د نجونو او ښځو د بنسټیزو حقونو په تېره بیا د پوهنې په برخه کې د سرغړونې له امله مسوول وګڼي.
دغه سازمان زیاته کړې، چې د طالبانو له درې کلنې واکمنۍ وروسته دا هېواد د بشري حقونو د بې ساري سرغړونو، جنسي ځورونو، شکنجې، خپلسري نيونې او سانسور مرکز ګرځېدلی دی.
یاد سازمان دغه راز ویلي، چې واک ته د طالبانو له رسېدو وروسته افغانستان کې ښځې ګڼو مشکلاتو سره مخ دي.
