د قطر پلازمېنې دوحې ته د عربي او اسلامي هېوادونو د بېړنۍ غونډې لپاره د ګڼو مشرانو تر څنګ د پاکستان لومړی وزیر شهباز شریف او د هغه د بهرنیو چارو وزیر اسحاق ډار هم روان شوي دي.
په دې غونډه کې به پر قطر د اسراییلو وروستي بریدونه او د فلسطین پر روان وضعیت بحث وشي.
تمه ده ګډونوال هېوادونه د یوه ګډ پرېکړهلیک له لارې د اسراییلو پر ضد خپل دریځ څرګند او د دوحې پر ضد شوي بریدونه وغندي.
تېره اوونۍ اسراییلو په دوحه کې د حماس د مشرانو پر یوه غونډه هوايي برید وکړ چې د ډلې دوه غړي پکې ووژل شول او څو تنه نور ټپیان شول.
دا برید د ګڼو هېوادونو له لوري د قطر پر ملي حاکمیت تېری بلل شوی دی.
