د طالبانو حکومت د بهرنیو چارو وزیر امیرخان متقي د قطر د بهرنیو چارو له وزیر محمد بن عبدالعزیز الخلیفي سره په ټیلیفوني اړیکه کې پر دوحه د اسراییلو بریدونه یو ځل بیا غندلي دي.
متقي ویلي، د حماس د مرکچي پلاوي پر استوګن ځای برید د نړیوالو قوانینو ښکاره سرغړونه ده او د افغانستان ولس او حکومت د قطر د دولت او خلکو تر څنګ ولاړ دی.
د یاد وزارت په اعلامیه کې راغلي چې د قطر وزیر د طالبانو د حکومت دا دریځ د ورورګلوۍ څرګندونه بللې ده.
