ننګرهار کې د طالبانو حکومت والي په شینوارو، سپین غر، اچین، لعل پوره، مومندره، نازیان او دور بابا ولسوالیو کې د کالدارو پر چلښت بندیز لګولی.
د ننګرهار ولایت له دفتر څخه خپره شوې خبرپاڼه کې راغلي، چې ټول خلک باید یوازې په افغانیو راکړه ورکړه وکړي.
دا بندیز تر دې وړاندې په ټول هېواد کې لګېدلی وو؛ خو په یو شمېر لرې او په ځانګړي ډول پښتونخوا او بلوچستان سره نږدې سیمو کې راکړه ورکړه په کالدارو وه.
