جمهوري حکومت کې د ملي دفاع وزارت سرپرست شاه محمود میاخېل د دغه تصویر په اړه لیکلي، چې دې نجونو د طالبانو له لوري د زده کړو پر بندیز اعتراض کړی.
ښاغلی میاخېل زیاتوي، چې د کرکټ له میدانه دا خپور شوی پیغام د هغو درجنو ګران بیه او د بهرنیو له لوري تموېلېدونکو کنفرانسونو او غونډو څخه بهتره دی، چې د ښځو د حقونو د ملاتړ تر نوم لاندې قومي نفاق ته وده ورکوي.
نوموړی وایي، دغه بهرني کنفرانسونه د افغان ښځو پر وړاندې بندیز ته کوم پام نه کوي.
د یادونې ده چې دا تصویر نن د افغانستان او اسټرالیا ترمنځ د لوبې پر مهال اخیستل شوی.
