په پاکستان کې د اکوړه خټک په حقانیه مدرسه کې چاودنه شوې.
د پاکستان د خیبر پښتونخوا ایالت اکوړه خټک کې د حقانیه مدرسې دننه یوه زوروره چاودنه شوې.
لومړني راپورونه ښيي چې د دې چاودنې هدف مولانا حمیدالحق حقاني، د مدرسې سرپرست او د مولانا سمیع الحق زوی و.
د پاکستان پولیسو ویلي، چې مولانا حمیدالحق حقاني سخت ټپي شوی او پنځه کسان وژل شوي دي.
لومړني معلومات ښيي چې دا چاودنه یو ځانمرګی برید و؛ خو چارواکي لا هم د پېښې جزئیات څېړي.
