د پاکستان لومړی وزیر شهباز شریف وایي، هېواد یې انتظار باسي، ترڅو طالبان د تروریستي ډلو پر وړاندې مبارزه وکړي.
نوموړي د ترکیې له ولسمشر رجب طیب ارودغان سره لیدنه کې ویلي، افغانستان یو ګاونډی هېواد دی او دوی تمه لري چې دا هېواد د ترهګرو ډلو پر وړاندې مبارزه وکړي.
نوموړی دا څرګندونې داسې مهال کوي چې د طالبانو حکومت وایي، په کور دننه یې د ټولو ترهګرو ډلو په وړاندې مبارزه کړې او افغانستان کې اوسنۍ ترهګرې کړنې پاکستان کې پلانیږي.
