داعش ډلې کندز کې د تېرې ورځې د ځان مرګي برید مسؤلیت منلی دی.
یادې ډلې ویلي، چې برید د دوی له لوري پر طالبانو او د هغوی پر یو شمېر قومندانانو شوی.
که څه هم دوی د مرګ ژوبلې کره شمېر نه ده ښودلی؛ خو ویلي یې دي چې برید کې یې د طالب قومندانانو په ګډون سلګونه طالبان وژلي.
بل لورته بیا د طالبانو حکومت ویلي، چې دغه برید کې د پولیسو په ګډون پنځه تنه عام وګړي وژل شوي.
دا برید تېره ورځ کندز کې د کابل بانک مخ ته شوی وو.
