د اسراییل لومړي وزیر بنیامین نتنیاهو ویلي، که حماس تر شنبې غرمه ټول یرغمل نیول شوي کسان خوشې نه کړي، اسرائیل به په غزه کې جګړه بیا پیل کړي.
تر دې وړاندې د حماس د سیاسي دفتر غړي، حسام بادران، ویلي و چې د غزې د توافق دوام په بشپړ ډول د اسرائیل پر کړنو پورې تړلی دی.
د یادونې ده چې د امریکا ولسمشر ډونالډ ټرمپ هم ګواښ کړی که حماس تر شنبې اسراییلي بندیان خوشې نه کړي، د غزې اوربند د لغوه کېدو وړاندیز به وکړي.
