د اسراییلو ځواکونو له نتساریم لارې څخه، چې یوه نظامي لار ده او د غزې تړانګه په عملي توګه په شمالي او جنوبي برخو ویشي، شاتګ کړی دی.
دا د هغه اوربند د توافق له شرایطو څخه یوه برخه ده چې له مخې یې پرون (شنبه) درې اسراییلي یرغمل په بدل کې شاوخوا ۱۸۳ فلسطیني بنديان خوشې شول.
په ورته وخت کې د اسراییلو استازي د اوربند د مذاکراتو د دوام لپاره قطر ته تللي دي.
حماس اسراییل په دې تورن کړې چې د بشري مرستو په استولو کې ځنډ کوي او خبرداری یې ورکړی چې د خبرو اترو دوام له خطر سره مخ دی.
