د سپینې ماڼۍ یوه چارواکي اعلان کړی چې د امریکا ولسمشر ډونالډ ټرمپ د هند لومړي وزیر نریندرا مودي ته راتلونکې اوونۍ په سپینه ماڼۍ کې د لیدنې بلنه ورکړې ده.
تر اوسه امریکايي او هندي چارواکو واشنګټن ته د مودي د احتمالي سفر د جزیاتو په اړه څه نه دي ویلي.
ډونالډ ټرمپ د جنورۍ په ۲۷ مه له نریندرا مودي سره خبرې کړې وې.
د یادونې ده، چې د ټرمپ له خوا د مودي د بلنې د خبر له خپرېدو څو ساعته مخکې، یوه امریکايي پوځي الوتکه چې ایستل شوي هندي کډوال یې لېږدول، هند ته ولاړه.
