د سوریې نوي واکمن احمد الشرع د اوکراین د بهرنیو چارو له وزیر اندري سیبیها سره په کتنه کې د دمشق او کییف ترمنځ اړیکې ستراتیژیکې وبللې.
د رویټرز خبري اژانس د راپور له مخې د اوکراین د بهرنیو چارو وزیر چې د یوه لوړ پوړي پلاوي په مشرۍ دمشق ته تللی، د سوریې له موقت حکومت سره ژمنه کړې چې د غلې دانې نورې کښتۍ به د سوریې د خلکو د اړتیاوو د پوره کولو لپاره دغه هېواد ته ولیږي.
د یادونې ده چې واک ته د احمد الشرع له رسېدو وروسته د ګڼو هېوادونو له استازو سره یې وکتل او د دوه اړخیزو اړیکو د پراختیا ژمنې یې وکړې.
