د پخواني ولسمشر حفیظ الله امین ځانګړی سکرتر حبیب الرحمن حبیبي وايي، ببرک کارمل د سردار محمد داود خان پر وړاندې د کودتا پلان ونیوو، چې میر اکبر خیبر یې مخالفت وکړ او دا چاره د دې سبب شوه، چې د کارمل او خیبر ترمنځ اړیکې خرابې شي.
نوموړي له آمو ټلویزیون سره په خبرو کې وویل چې کارمل د شوروي اتحاد استخباراتو ته نږدې سړی وو او په دې خاطر شورویانو غوښتل نوموړی په سردار داود د کودتا له لارې واک ته ورسوي.
حبیبي وویل، چې میر اکبر خیبر شوریانو ته د کارمل د مسلسلو راپورونو په واسطه د «کیجيبي» له لوري په کابل کې ووژل شو.
نوموړي د حکمتیار په مشرۍ د حزب اسلامي له لورې د هغه د وژلو خبرې رد کړې او زیاته یې کړه هغه مهال دا ډول اعلامیې د امتیاز اخیستو لپاره صادریدلې.
