د امریکا او ایران د روان کړکېچ له امله د منځني ختیځ د تېلو په عرضه کې د ګډوډۍ دوام د تېلو بیې لوړې ساتلې دي.
د برېنټ خامو تېلو بیه ۹۳.۸۲ ډالرو ته رسېدلې او د امریکا وېسټ ټېکساس انټرمیډیټ تېل په ۸۶.۷۸ ډالرو پلورل کېږي.
د راپورونو له مخې، برېنټ تېل په تېرو پنځو سوداګریزو ورځو کې له ۷ سلنې او د وېسټ ټېکساس انټرمیډیټ تېل له ۸ سلنې ډېر لوړ شوي دي. دواړه شاخصونه د جولای له ۲۴مې راهیسې تر ټولو لوړې کچې ته رسېدلي دي.
د امریکا او ایران د کړکېچ له امله د منځني ختیځ د تېلو د عرضې په اړه اندېښنې د بیو د لوړوالي له مهمو لاملونو بلل کېږي.
