د یمن حوثیانو ادعا کړې چې د سعودي عربستان د جازان په سیمه کې یې د سعودي ارامکو پر تصفیهخونه په دوو بېپیلوټه الوتکو برید کړی دی.
د حوثیانو اړوندې رسنۍ د دې ډلې د یوه پوځي چارواکي له قوله ویلي چې برید د سعودي عربستان له لوري د یمن د صعده او حجه ولایتونو د هوايي حریم او حاکمیت د سرغړونو په غبرګون کې ترسره شوی دی.
تر اوسه سعودي چارواکو د حوثیانو د دې ادعا په اړه څه نه دي ویلي.
د راپورونو له مخې، د جازان پر ارامکو تاسیساتو دا په څو ورځو کې دویم برید دی.
