د امریکا د سپینې ماڼۍ ویاندې کارولین لیوېټ اعلان کړی چې د روانې اګست میاشتې په پای کې به خپله دنده پرېږدي، څو له خپلې کورنۍ او کوچنیو ماشومانو سره ډېر وخت تېر کړي.
ولسمشر ډونالډ ټرمپ د نوموړې د پرېکړې ملاتړ کړی.
ټرمپ لیوېټ د سپینې ماڼۍ له تر ټولو غوره ویاندویانو بللې او ویلي یې دي چې نوموړې به له سپینې ماڼۍ تر وتلو وروسته د هغه له مهمو بهرنیو سلاکارانو وي او د جمهوري غوښتونکو په منځ کې به خپل سیاسي فعالیت ته دوام ورکړي.
۲۸ کلنه لیوېټ د ۲۰۲۵ کال له جنورۍ راهیسې د سپینې ماڼۍ ویاندې په توګه دنده ترسره کوي او تر ټولو ځوانه ویانده شمېرل کیږي.
تر اوسه د نوموړې ځایناستی نه دی اعلان شوی.
