د افغانستان د بشري حقونو لپاره د ملګرو ملتونو ځانګړي راپور ورکوونکي ریچارډ بېنټ په کابل کې د امنیتي عملیاتو پر مهال د وژنو د راپورونو په اړه اندېښنه څرګنده کړې ده.
بېنټ ویلي، د راپورونو له مخې پرون څلور کسان او په دې وروستیو کې د کابل د اتمې امنیتي حوزې په سیمه کې اووه نور کسان د امنیتي عملیاتو پر مهال وژل شوي دي.
نوموړي د دغو پېښو د سمدستي او بېپرې پلټنو غوښتنه کړې او ټینګار یې کړی چې د مرګوني ځواک هر ډول کارول باید د نړیوالو بشري حقونو له قوانینو، په ځانګړي ډول د اړتیا او تناسب له اصولو سره سم وي.
