د اروپایي پارلمان غړې هانا نیومن ویلي چې له طالبانو سره باید هېڅ ډول پټې یا ناسمې معاملې ونه شي.
نوموړې په یوه ټویټ کې د فیلیز ګرین او یو شمېر نورو اروپایي سیاستوالو، د اروپایي پارلمان او د جرمني پارلمان غړو او همداراز د افغانستان د پخوانیو پارلماني غړو سره یوځای دا غوښتنه کړې ده چې د طالبانو له حکومت سره د هر ډول غیرشفاف تعامل مخه ونیول شي.
نوموړې همداراز له خلکو غوښتي چې د «Brand New Bundestag» له لارې د پرانیستي لیک ملاتړ او لاسلیک وکړي.
