د ملګرو ملتونو په امنیت شورا کې د روسیې د دایمي استازولۍ مرستیالې آنا اوستینیگیوا ویلي، روسیې هغه پرېکړهلیک ته مثبته رایه ورکړې چې له مخې یې په افغانستان کې د ملګرو ملتونو د مرستندویه پلاوي (یوناما) ماموریت د یوه بل کال لپاره وغځول شو.
نوموړې د افغانستان اړوند د پرېکړهلیک د مسودې په چمتو کولو کې د چین له رول څخه هم هرکلی کړی او ویلي یې دي چې دا سند د نړیوالې ټولنې ګډ دریځ منعکسوي.
اوستینیګیوا زیاته کړې چې د دې پرېکړهلیک موخه د افغانستان له خلکو سره د یوه سولهییز، باثباته، هوسا او له ترهګرۍ او مخدره موادو پاک هېواد د جوړولو په برخه کې ملاتړ دی.
هغې ټینګار کړی چې د یوناما د فعالیتونو اوسنی چوکاټ له کوم بدلون پرته پر خپل ځای پاتې شوی او دا ماموریت به په افغانستان کې خپلو دندو ته په بشپړه توګه دوام ورکړي.
د روسیې استازې همدارنګه د افغانستان د اقتصادي پراختیا اړوند موضوعاتو د شاملېدو هرکلی کړی او ویلي یې دي چې دا موارد باید د هېواد د اقتصادي ځانبسیاینې او دوامدار پرمختګ لپاره زمینه برابره کړي.
