په جرمني کې د افغانستان د کلتوري ودې ټولنې فعالانو د زده کړو حقونو فعال مطیع الله ویسا ته تېره شپه د لونګو امېل مشاعره او ځانګړو مراسمو کې د غازي امان الله خان افتخاري مډال ورکړ.
مطیع الله ویسا په دې مراسمو کې د ټولو افغانانو له هڅونې او ملاتړ مننه وکړه او ویې ویل چې لا به هم زده کړو ته د افغان نجونو او هلکانو د لاسرسي فعالیتونو ته دوام ورکړي.
نوموړي څه موده وړاندې په فرانسه کې د نورماندي سیمې له نورماندي پوهنتون د آزادۍ کلنۍ جایزه هم ترلاسه کړه.
