د امریکا د فلادلفیا په ګډون د نړۍ په بېلابېلو ښارونو کې په سلګونو زرو کسانو د ډونالډ ټرمپ د ادارې د سیاستونو پر وړاندې پراخ لاریونونه کړي دي.
دا لاریونونه د «No Kings» تر شعار لاندې ترسره شوي او تنظیموونکو ویلي چې د امریکا په ټولو ۵۰ ایالتونو کې له ۳ زرو څخه ډېر بېلابېل لاریونونه ثبت شوي وو.
دوی وایي چې په دغو لاریونونو کې په ملي او نړیواله کچه میلیونونه کسانو برخه اخیستې وه.
لاریون کوونکو د ټرمپ د ادارې پر هغو پرېکړو اعتراض کړی چې دوی یې استبدادي او دیموکراسۍ ته ګواښ بولي، او ټینګار کړی چې په دیموکراسۍ کې پاچاهانو ته ځای نشته.
