پاکستان کې پخواني طالب سفیر ملا عبدالسلام ضعیف په منځني ختیځ کې د حزب الله پر وړاندې د اسرائیل جګړې ته په اشارې لیکلي، چې د مسلمانانو او په ځانګړي ډول د منځني ختیځ هېوادونو وضعیت، تور، ژېړ او سپین غوايي ته ورته دی، چې له فرصت تېرېدو وروسته به هیڅ ګټه تر لاسه نه کړي.
هغه ویلي، اسرائیل د غرب په مستقیمه مرسته دوی یو یو رانیسي او نور ورته ګوري.
تر دې وړاندې هم ګڼې نیوکې دا دي، چې د منځني ختیځ په قضیه کې مسلمانان هیڅ یوه خوله نه دي او پر غزې د اسرائیل ظلمونو ته په رڼو سترګو ګوري.
