د ملي مقاومت په نوم جبهې دایکندي کې د ۱۴ ملکي وګړو وژل غندلي دي.
دغې جبهې په خپله ایکسپاڼه لیکلي، چې د طالبانو فکر یواځې د هزاره ګانو د وژلو لامل نه دی شوی، بلکې امارتي چتر د بشریت ضد جنایتونو لپاره د معافیت سیستم برابر کړی.
یادې جبهې زیاته کړې چې د داعش ډلې دا نه بخښونکی جنایت د ټولو افغانانو ټولنیز درد دی او دا یواځې د داعشو کار نه بلکې طالبان هم د داسې بدعت ښکار دي.
دغې جبهې همدا راز ویلي، چې د مقاومت جبهه هوډ لري چې له مذهبي توپیر پرته له ټولې ټولنې څخه دفاع وکړي او د افغانستان له خلکو غواړي چې د دغه ناوړه جنایت په وړاندې له قربانیانو سره د خواخوږۍ او پیوستون غږ پورته کړي.
