په کابل کې د جاپان سفارت د طالبانو د امربالمعروف وزارت لپاره نوی توشيح شوی قانون په افغانستان کې پر ښځو او نجونو د بندیزونو دوام بللی.
دغه سفارت پر اېکس پاڼه لیکلي، چې د نړیوالې ټولنې سره په همغږۍ کې، له طالبانو غواړي چې د افغانستان د راتلونکي لپاره د زده کړې، کار او د تګ راتګ د ازادۍ لپاره د افغان ښځو او نجونو غږ واوري.
د یادونې ده چې د طالبانو حکومت نوی قانون چې ۱۱۴ مخونه او ۳۵ مادې لري، چې د ښځو حجاب، د دوی غږ، د نارینه وو ږیره خریل، له محرم پرته د میرمنو پر تګ بندیز یې مهمې برخې دي.
د طالبانو حکومت دغه قانون د ګڼو سیاسیونو، سازمانونو او د ډېری هېوادونو غبرګونونه را پارولي دي.
