د طالبانو حکومت سترې محکمې اعلان کړی چې د دوی حکومت په بادغیس او نیمروز ولایتونو کې درې کسان د قتل په تور اعدام کړي دي.
یادې محکمې په یوه خپره شوې خبرپاڼه کې ویلي، چې لومړی کس سلیمان نومېږي، د تگاب علم ولسوالۍ اوسېدونکی و او د درې کسانو د قتل تور پرې لګېدلی و.
محکمې زیاته کړې، بل اعدام شوی کس حیدر نومېده او د بادغیس د دره بوم سیمهییز اوسېدونکی و، چې هغه هم د قتل په تور اعدام شوی دی.
محکمې دغه راز یلي، چې درېیم کس عبدالقدیر نومېده او د زرنج ښار په ورزشي لوبغالي کې د یو کس د قتل په تور اعدام شوی دی.
د طالبانو د سترې محکمې په وینا، د قصاص حکم د تطبیق پر مهال عادي خلک او د طالبانو یو شمېر چارواکي حاضر وو.
