واشنګټن پوسټ ورځپاڼې لیکلي، چې د منځني ختیځ لپاره د امریکا ځانګړي استازي د عمان له لارې ایران ته پیغامونه استولي.
یادې ورځپاڼې د باخبره امریکايي سرچینو په حواله ویلي، چې دا چاره د مستقیمو خبرو اترو پیلولو هڅه ده.
د سرچینې د معلوماتو له مخې، که باور تر لاسه شي او رسمي دعوت وشي؛ نو ښايي سټیو ویتکاف تهران ته هم سفر وکړي.
تر دې وړاندې بیا د امریکا ولسمشر هم ویلي وو، چې له ایران سره د مستقیمو خبرو د پیل امکان شته.
