لوړپوړی طالب چارواکی انس حقاني وايي، د امریکا له لوري د سراج الدین حقاني او دوو نورو چارواکو نوم د جایزې له لیست څخه لرې کول یو مثبت ګام دی.
هغه له الجزیرې سره خبرو کې ویلي، چې دا په سیاسي اړیکو کې یو پرمختګ دی او هیله یې څرګنده کړې، چې د طالبانو حکومت په نورو چارواکو هم دا بندیز پای ومومي.
حقاني ویلي، اوس په افغانستان کې امن دی او د دوی له خاورې هیچاته ګواښ نشته.
نوموړي یو وار بیا ټینګار کړی، چې د دوحې تړون ته ژمن دي.
