د طالبانو حکومت تر واک لاندې د پوهنې وزارت په تېرو شپږو میاشتو کې لږ تر لږه ۴۳ مدرسې جوړې کړې او د درې مدرسو چارې یې پیل کړې دي.
پر دغو مدرسو تر سل میلیونه افغانیو زیات لګښت راغلی، چې په بامیان، بلخ، پکتیا، پکتیکا، سرپل، کاپیسا، فراه، بدخشان، بغلان، خوست، غزني، لغمان او میدان وردګ ولایتونو کې جوړې شوې دي.
دا په داسې حال کې ده، چې واک ته د طالبانو حکومت له رسېدو وروسته، د ښونځیو پر ځای مدرسې زیاتې شوې دي.
