د ملګرو ملتونو د ماشومانو د ملاتړ صندوق (یونیسف) خبرداری ورکړی، چې د نړۍ په جګړهځپلو سیمو کې د ماشومانو د څښاک پاکو اوبو او روغتیايي خدمتونو ته د لاسرسي حق ورځ تر بلې له ګواښ سره مخ کېږي.
یونیسف په ایکس پاڼه کې لیکلي، چې په جګړهییزو سیمو کې د اوبو رسولو او فاضلابو د سیستمونو ویجاړېدل ماشومان له بېلابېلو ستونزو سره مخ کوي.
د دغه بنسټ په وینا، د اوبو او روغتیايي تاسیساتو زیانمنېدل د ناروغیو خپرېدو، خوارځواکۍ، تاوتریخوالي او زدهکړو ته د ماشومانو د نه لاسرسي لامل کېږي.
یونیسف ټینګار کړی، چې د ماشومانو د خوندیتوب لپاره باید د اوبو رسولو او روغتیايي خدمتونو تاسیسات د بریدونو پر وړاندې خوندي وساتل شي.
