نور احمد؛د هند غوره لیګ دا پړاو زموږ لپاره هغسې نه و، لکه څنګه چې موږ غوښتل

افغان ورو توپ اچوونکی نور احمد لکڼوال چې د هند غوره لیګ (IPL) په سږني پړاو کې د چینای سوپر کینګز برخه و، لوبډله یې له لیګ بهر شوه.

لکڼوال ویلي“د چینای ژیړ لباس اغوستل او د دې سترې لوبډلې لپاره لوبې کول زما لپاره تل ویاړ دی له مدیریت، روزونکو، کارکوونکو او ټولو هغو کسانو څخه مننه کوم چې د دې سفر په اوږدو کې زموږ تر څنګ ولاړ وو، همدارنګه د چینایې له مینه‌والو ځانګړې مننه چې هر ځای یې زموږ ملاتړ وکړ او لوبغالي یې له مینې او شور څخه ډک ساتل”