د اسرائیل ۱۲ چینل راپور ورکړی چې د تهران او واشنګټن ترمنځ روانو مذاکراتو کې نسبي پرمختګ شوی او دواړه لوري د یو لړ مهمو موضوعاتو په اړه بحثونه پرمخ وړي.
د راپور له مخې، امریکا چمتو ده چې د ۲۵۰ میلیارد ډالرو په ارزښت د اقتصادي مرستو یو صندوق جوړ کړي، خو د ایران حکومت دا اندازه کافي نه ګڼي او د زیاتو امتیازاتو غوښتنه کوي.
راپور زیاتوي چې واشنګټن په اصولي توګه د ایران د ملکي اټومي پروګرام حق منلی، خو په بدل کې یې غوښتنه کړې چې شاوخوا ۴۴۰ کیلوګرامه ۶۰ سلنه غني شوي یورانیم له ایران څخه بهر، امریکا یا کوم اروپایي هېواد ته ولېږدول شي.
په مقابل کې، تهران وړاندیز کړی چې د یادو اټومي موادو د رقیق کولو بهیر دې د هېواد دننه ترسره شي.
