د افغانستان لپاره د ملګرو ملتونو ځانګړی راپور ورکوونکی ریچارډ بینېټ وایي، چې طالبانو د ده پر سفر د بندیز لپاره ورته کوم دلایل نه دي وړاندې کړي.

نوموړي ویلي، سره له دې چې له تېرې می میاشتې راهیسې یې افغانستان ته سفر نه دی کړی؛ خو طالبانو د ده ټیم ته ویلي چې بېنېټ باید نور کابل ته رانشي.

د طالبانو حکومت ویاند ذبیح الله مجاهد ویلي چې د ملګرو ملتونو د بشري حقونو د شورا ځانګړی راپور ورکوونکی، ریچارد بېنېټ د دوی پر ضد تبلیغات کول او په وینا یې باور پرې نه شي کولی.

هغه زياته کړې چې ریچارډ بېنېټ کوچنۍ موضوع ستروله او نورو سازمانونو ته یې ناسم معلومات ورکول.

ریچارډ بېنېټ په خپلو رپوټونو کې افغانستان کې د بشري حقونو او په تېره د نجونو او مېرمنو د حقونو د وضعیت د خرابېدو په اړه ملګرو ملتونو ته معلومات وړاندې کول.

په هرات کې ځايي سرچينې وايي، چې د تېر وخت د ناچاودې ماين د چاودنې له امله دوه تنکي ځوانان وژل شوي دي.

دغو سرچينو ویلي، چې دغه چاودنه پرون د هرات د ګذرې ولسوالۍ د “سنګورد” په کلي کې شوې ده.

د سرچينې د معلوماتو له مخې، په دغه کلي کې دوه ١٧ کلن هلکان چې د تره زامن وو، ماين پرې وچاودېد او دواړه وژل شوي.

د طالبانو ځایي حکومت تر اوسه په دې اړه څه نه دي ويلي.

د یادونې ده چې د تېرو څو کلونو جګړو څخه پاتې شوي ماینونه کله ناکله خلک او په ځانګړې توګه ماشومان وژني.

ګارډین ورځپاڼې افغانستان کې له نجونو سره چلند ظالمانه او له سپکاوي ډک ګڼلی.

یادې ورځپاڼې “طالبان مه زړوروئ” تر سرلیک لاندې یوه مقاله کې لیکلي چې طالبان د ښځو او نجونو لپاره یو ګواښ دی.

مقاله کې له نړۍ غوښتل شوي چې افغان ښځې له پام ونه غورځوي.

دغه راز بیا په غیر دولتي ادارو کې د ښځو پر کار بندیز ته په اشارې ویل شوي چې زیاتې مېرمنې د جنسیتي نا برابري له کبله له زده کړو بې برخې دي.

د یادونې ده چې تېره ورځ له دویچه ویله سره مرکه کې د طالبانو حکومت ویاند ذبیح الله مجاهد ویلي چې نور د افغانستان لپاره د ملګرو ملتونو د ځانګړي راپور ورکوونکي ریچارډ بنېټ په راتګ یې بندیز لګولی.

نوموړي ویلي چې بنېټ د افغانستان په اړه پروپاګند کوي.

د طالبانو حکومت د بهرنیو چارو سرپرست وزیر امیرخان متقي د ترکمنستان د بهرنیو چارو له وزیر سره د لیدنې لپاره هرات ته تللی.

ټاکل شوې چې د دواړو لوریو ترمنځ ناسته به د دواړو هېوادونو ترمنځ سرحدي سیمې تور غنډۍ بندر کې ترسره شي.

په پام کې ده چې متقي او رشید مرادوف په کشک رباط سنګي ولسوالي کې د ټاپي پروژې، تورغنډۍ اوسپنې پټلۍ او نوري فایبر پروژو څخه هم لیدنه وکړي.

د امریکا پخواني ولسمشر بارک اوباما له کاملا هرېس څخه ملاتړ کړی.

هغه تېره ورځ له خلکو هم غوښتي چې د ټرمپ پر وړاندې د هرېس ملاتړ وکړي او بریا ته یې ورسوي.

اوباما د ټرمپ تېرې دورې ته په کتو ویلي، چې دوی دا دوره لیدلې او نه شي کولای چې د څو نورو کالونو لپاره امریکا کې ګډوډي وویني.

د اوباما په خبره، امریکا د یو نوي فصل او نوي داستان لپاره چمتو شوې، چې د هرېس په ریاست جمهوري کې به ولیدل شي.

روسیي ځواکونو ادعا کړې چې د اوکراین لویدیځ کې یې ني‌یو‌یورک ښار نیولی دی.

بل لورته اوکرایني ځواکونو نه ده منلې، چې ښار یې له لاس وتلی؛ خو زیاته کړې یې ده چې سیمه کې یې بریدونه دوام لري.

د روسیې دفاع وزارت هم د دغه ښار نیول کېدل مهم بللي او ویلي یې دي چې دا یو غوره تدارکاتي مرکز دی.

د یادونې ده چې له تېرو څو ورځو راهیسې اوکرایني ځواکونو ادعا کوله چې د دوی د بریدونو له امله په کرسک او ځینو نورو سیمو کې روسي ځواکونه په شاه وتمبول شول؛ خو تازه روسي ځواکونه د بریا خبرونه ورکوي.

ټاکل شوې چې د افغانستان د ۱۷ کلنو فوټبال لوبډله د مرکزي اسیا په سیالیو کې نن ماښام له تاجکستان سره سیالي وکړي.

دا سیالي به د تاجکستان مرکز دوشنبې په کوربه‌توب د کابل پر وخت ۹۰:۰۰ ترسره شي.

که افغان فوټبالران دا لوبه د خپل کوربه پر وړاندې وګټي؛ نو فاینل ته به لاره پیدا کړي.

د دغو سياليو په لومړۍ لوبه کې افغان لوبغاړو قرغزستان ته ماتې ورکړه.

د یادونې ده چې د مرکزي اسیا د فوټبال سیالۍ د شپږو هېوادونو ترمنځ پیل شوي دي.

د روسیې ولسمشر ولایمیر پوتین په ناڅاپي سفر چېچن ته تللی.

رویټرز لیکلي چې ولادمیر پوتین په دغه سفر کې له اوکراین سره” د جګړې لپاره چمتو شویو سرتېرو سره لیدلي.

ده دغه راز په یاد سفر کې د چېچن له ولسمشر سره هم کتلي دي.

د یادونې ده چې پوتین ۱۳ کاله وروسته دغه هېواد ته سفر کوي.

ذبیح الله مجاهد وايي چې ریچارډ بنټ د طالبانو د حکومت په وخت کې د افغانستان پر ضد د پروپاګند لپاره ګمارل شوی او د طالبانو حکومت لپاره د اعتبار وړ شخصیت نه دی.

د طالبانو حکومت ویاند ذبیح الله مجاهد له دویچه ویله سره په مرکه کې ویلي چې د ملګرو ملتونو ځانګړی راپور ږرکونکی ریچارډ بنټ له افغانستانه ایستل شوی او نور اجازه نه لري چې دغه هېواد ته داخل شي.

مجاهد د جنسي او نژادي تبعیض په اړه د ښاغلي بنټ راپورونه رد کړل.

مجاهد زیاته کړې چې د دوی د حکومت ۲۲ سلنه کارکوونکې ښځې دي.

مجاهد دغه راز ویلي چې په تېر حکومت کې د ښځو چارو وزارت رامنځته کېدل د امریکا او لویدیځ د خوښۍ لپاره وه.

ذبیح الله مجاهد داسې مهال دا څرګندونې کوي چې څو ورځې وړاندې ریچارډ بنېټ په هاګ کې د بشري حقونو په سرغړونو کې د ښکېلو طالب چارواکو د محاکمې غوښتنه وکړه او دوی یې په جنسي تبعیض تورن کړل.

د ۴۲ ښځو په وژلو تورن کولینس جومیسي د کاناډا د پولیسو له توقیف خونې وتښتېد.

هغه ۳۳ کاله عمر لري او پولیسو د رواني خونکار په توګه معرفي کړی و.

پر هغه تور دی، چې ۳۲ ښځې یې وژلي او بیا یې د هغوی بدنونه ټوټې کړي دي.

د رسنیو د راپورنو له مخې، نوموړي له نورو دولس ملګرو بندیانو سره یوځای د چت فلزي جالۍ پرې کړې او تښتېدلی دی.