سرچینې وایي، چې د کابل هوایي میدان ته نږدې چاودنه شوې.

سرچینو ویلي، چې نن ماذدیګر څلور بجې د کابل هوایي میدان ته نږدې چاودنه شوې.

ددغې چاودنې د تلفاتو په اړه تر اوسه کره جزیات نشته.

د طالبانو حکومت هم تر اوسه په دې اړه څه نه دي ویلي.

د طالبانو حکومت د هوا پېژندنې ادارې نن او سبا په یو شمیر ولایتونو کې د شدیدو بادونو او واورې اټکل کړی دی.

یادې ادارې د هرات، فراه، نیمروز، هلمند، کندهار، زابل، اروزګان، دایکندي، غور، بادغیس،پکتیکا او غزني ولایتونو کې د واورې او باران د اورښت سربیره د شدیدو بادونو اټکل کړی دی.

دې ادارې په دغو ولایتونو کې یې د اورښت اندازه له ۱۵ څخه تر۳۰ سانتي مترو او د واورې اندازه له ۱۰ څخه تر ۲۵ سانتي مترو اټکل کړی دی.

کابل کې د ایران پخواني سفیر رسول موسوي ویلي، ښایي د طالبانو حکومت د داخلي پاڅون او یاهم بهرنۍ لاسوهنې له کبله تغییر شي.

نوموړی وایي، د طالبانو حکومت اوس انحصاري بڼه لري.

د ایرنا د خبر له مخې، رسول موسوي زیاته کړې، د طالبانو حکومت له درې سناریوګانو سره مخ دی، چې یا به اوسنی انحصار دوام کوي، یا به طالبان خپل سیاست بدلوي او یا به یې رژیم تغییر خوري.

د موسوي په خبره، د تروریستي ډلو په اړه د سیمې اندېښنې له طالبانو سره د دغو هېوادونو د نه همکارۍ سبب شوې دي.

وروسته له دې چې د امریکا ولسمشر ډونالډ ټرمپ ایران ته دوه انتخابونه کېښوده چې ” یا معامله او پرکاغذ امضا، یا بمونه” د ایران مذهبي مشر علي خامنه‌یي ویلي، زموږ وړتیا د سختو ګواښونو په وړاندې عالي ده.

د الاخبار ورځپانې د خبر له مخې امریکا یوه لویه د ۹۰۰ کیلو ګرامي بمونو جوپه اسرایل ته ولېږله چې په دې محمولې کې ۱۸۰۰ MK-84 بمونه هم شامل دي چې د اسرایلو هوایي ځواکونو ته ورکړل شوه.

یاد بمونه کولای شې د ضخامت لرونکو فلزي او بتوني سطحو څخه هم تېر شي.

همدارنګه د امریکا د بهرنیو چارو وزیر مارکو روبیو سي‌بي‌ایس تلویزیوني شبکې ته هم ویلي چې د ایران حکومت د توافق لپاره هیڅ علاقه مندي نده ښودلې.

د بریتانیا د دفاع وزارت د دغې هیواد ځانګړو ځواکونو د قومندې په اساس تایید کړه چې د ۲ زره تنو هغه افغان کومانډویانو چې دوی سره یې اوږه په اوږه جګړه مخته وړې وه، د بیا میشتیدو غوښتنه رد کړه.

د بي‌بي‌سي د یو راپور له مخې د بریتانیا ځانګړو ځواکونو د پخوانیو افغان کومانډویانو غوښتنه چې غوښتل یې ملاتړ یې وشي، رد کړه.

هېره دې نه وي چې د طالبانو د بیا واکمنېدو وروسته ګڼ شمیر افغان کومانډویانو ګاونډیو هیوادونو ته پناه یوړه، خو زیات شمیر یې لا هم افغانستان کې دننه په ویره خپل ژوند د خطر مواجع ګڼي.

د ایران د ازادو سوداګریزو زونونو د عالي شورا منشي رضا مسرور ویلي، ایران د افغان پانګوالو ملاتړ کوي او کولای شي د دغه هیواد په ازادو سوداګریزو سیمو کې د اوسېدو اقامت ترلاسه کړي.

ایراني رسنیو د ښاغلي رضا له قوله ویلي، چې د روان کال په لومړیو لسو میاشتو کې ۱۲۵ میلیونه یورو بهرنۍ پانګونه د ازادې سوداګرۍ زونونو ته او ۱۳۱ میلیونه یورو ځانګړې اقتصادي زونونو ته جذب شوې.

هغه زیاته کړې چې د دغې پانګونې له مخې یوه برخه یې د عربي هیوادونو، منځنۍ اسیا او افغانستان پانګوالو پورې تړلې ده.

د پښتونخوا د کرم ولسوالۍ په بګان سیمه کې د خوراکي توکو پر هغه موټریز کاروان برید شوی، چې پاړه‌چنار ته روان وو.

ځایي پولیس وایي، چې پر دغه کاروان کې د خوراکي توکو ترڅنګ نور سامونونه هم شامل و.

تر اوسه په دې اړه د مرګ ژوبلې جزیات نه دي ورکړل شوي.

د ملګرو ملتونو امنیت شورا افغانستان کې د یوناما ماموریت د تمدید په اړه بحثونه پیل کړي.

د ملګرو ملتونو یو چارواکي ویلي، دا دواړه بحثونه د هند، چین، امریکا او جنوبي کوریا له لوریو پر جوړو شویو مسؤدو پیل شوي.

ټاکل شوې چې افغانستان کې د یوناما ماموریت د ۲۰۲۵ کال د مارچ تر اوولسمې دوام وکړي.

د پکتیکا د طالبانو امنیه قومندانۍ هغه اوازې رد کړې، چې ګواکې پاکستاني الوتکو د پکتیکا په برمل ولسوالۍ کې بریدونه کړي.

تېره شپه ځینو سرچینو راپورونه ورکړي وو، چې پاکستاني جټ الوتکو د پکتیا او پکتیکا ځینې سیمې په نښه کړې؛ خو اوس دغې قومنداني ویلي، چې دا بریدونه د فرضي کرښې هاغاړه شوي دي.

د یادونې ده، چې د پاکستان د استخباراتو اړوند یو شمېر ادرسونو هم د دغه برید په اړه خبر ورکړی وو.

د طالبانو حکومت د بهرنیو چارو وزیر د سره صلیب نړیوالې کمېټې څخه غوښتي، چې په نورو هېوادونو کې د افغان بندیانو د برخلیک معلوملو په برخه کې ورسره همکاري وکړي.

نوموړي دا غوښتنه د سره صلیب نړیوالې کمېټې له عمومي رییس سره کتنه کې کړې دي.

د بهرنیو چارو له وزارت څخه په خپره شوې خبرپاڼه کې راغلي، چې پیر کراهنبول له امیرخان متقي سره لیدنه کې ویلي، چې یو شمېر زندانونو ته د دوی په لاسرسي بندیز دی.

نوموړي ویلي، بیا هم هڅه کوي، چې د افغان زندانیانو د موندلو او کورنۍ ته یې د حال رسولو برخه کې هڅې ګړندۍ کړي.