د اسراییلو د بیړني خدماتو یوې ادارې ویلي، چې د ایران د توغندیز برید له امله په بئرشبع ښار کې یو ودانۍ لګېدلې او درې تنه پکې وژل شوي دي.
د ماگن داوید آدوم ادارې په وینا، وژل شوي کسان دوه نارینه او یوه ښځه دي او همداراز، شپږ نور کسان ټپیان شوي دي.
دا برید وروسته له هغه شوی چې د اسراییلو پوځ ویلي، چې ایران پر دوی د توغندیزو بریدونو یوه بله څپه پیل کړې.
د ایران د بهرنیو چارو وزیر، سید عباس عراقچي پر ایکس پاڼه د ایران له وسلوالو ځواکونو مننه کړې ده.
نوموړي ویلي، چې اسراییلو ته د سزا ورکولو پوځي عملیاتو د سهشنبې د سهار تر څلور بجو پورې دوام وکړ.
هغه زیاته کړې چې د ایران وسلوال ځواکونه د هېواد د دفاع لپاره چمتو دي او د دښمن هر برید ته به ځواب وايي.
د امريکا د ولسمشر ډونالډ ټرمپ د اوربند له اعلان وروسته، بيبيسي راپور ورکړی چې تهران یوه بده شپه تېره کړې ده.
د ښار اوسېدونکو ويلي، له ختيځه تر لوېديځه د سختو چاودنو غږونه اورېدل شوي او يو شمېر سيمې د اسرايیلي بریدونو له امله تخليه شوې دي.
د ايران دولتي تلويزيون ويلي چې ځينو سيمو د تېرې شپې په اوږدو کې تر ټولو سختې هوايي نښتې تجربه کړي.
بل لورته د ایران د بهرنیو چارو وزیر عباس عراقچي له اسراييل سره د اوربند هر ډول توافق رد کړی او ويلي يې دي، که اسراييل تر سهار ۴ بجو پورې بریدونه ودرول، ايران به هم خپل غبرګون بند کړي.
د ايران د بهرنيو چارو وزير سيد عباس عراقچي د امريکا د ولسمشر هغه څرګندونې رد کړې دي چې ګواکې ايران او اسراييل د اوربند پر سر هوکړې ته رسېدلي دي.
عراقچي د سه شنبې په ورځ پر اېکس (پخوانی ټویټر) لیکلي، تر اوسه د اوربند یا د نظامي عملیاتو د درېدو هېڅ هوکړه نه ده شوې.
عراقچي خبرداری ورکړی که اسراييل تر سهار څلورو بجو پورې (د تهران پر وخت) خپل پوځي بریدونه ونه دروي، ايران به خپل نظامي غبرګون ته دوام ورکړي.
هغه د ايران د وسلهوالو ځواکونو ستاينه کړې او ويلي يې دي چې د اسراييل پر ضد عمليات د سې شنبې تر سهاره پورې جاري وو، او دا عملیات د هېواد د ملي دفاع حق بلل شوی دی.
د امریکا د استازو مجلس تازه لایحه تصویب کړې چې له مخې به یې د طالبانو حکومت ته هر ډول مالي مرسته بنده شي.
تر دې وړاندې امریکا هره اوونۍ د طالبانو حکومت ته ۴۰ میلیوني ډالري کڅوړه لېږله.
د طالبانو حکومت تر اوسه کوم غبرګون نه دی ښودلی.
قطر وایي، چې د العدید پر اډه د ایران لخوا برید ته د نړیوالو قوانینو په رڼا کې ځواب ورکول یې قانوني حق دی.
یاد هېواد ویلي، چې دوی به د خپلې ځمکنۍ بشپړتیا د نقض پوښتنه وکړي.
دا په داسې حال کې ده چې څو شېبې وړاندې ایران د امریکا د برید په غبرګون کې په قطر کې د امریکا العدید اډه په نښه کړه.
سپاه پاسداران په رسمي ډول په قطر کې د امریکا په العدید اډې د برید مسؤلیت ومانه.
یاړ بریدونه پر ایران د امریکا د برید په غبرګون کې شوي دي.
بل لورته قطر ویلي، چې بریدونه یې خنثی کړي دي.
راپورونه وایي، چې ایران تر قطر وروسته عراق کې هم د امریکا اډې په نښه کړي.
بل لورته بیا بحرین کې د خطر زنګونه کړنګول شوي دي.
دا بریدونه پر ایران د امریکا د برید په غچ کې شوي دي.
ایران قطر کې د امریکا اډې په نښه کړي.
راپوورنه وایي، چې د ایران حکومت د قطر پر لور شپږ مزایله توغولي.
بل لورته یو شمېر رسنیو لیکلي، چې دوحه کې د چاودونو غږونه اورېدل شوي.
د ملګرو ملتونو د سرمنشي ځانګړې استازې او د یوناما مشرې، روزا اوتونبایوا، د امنیت شورا غونډې ته ویلي چې د ښځو او نجونو پر ضد دوامداره محدودیتونه، د افغانستان د نړیوال نظام سره د بیا یو ځای کېدو لوی خنډ دی.
هغې ټینګار کړی چې نړیواله ټولنه د بشري حقونو، په ځانګړي ډول د ښځو له بنسټیزو حقونو سیستماتیکې محرومۍ ته سخته اندېښمنه ده.
اوتونبایوا دغه راز ویلي چې یوناما له افغانانو سره پراخ تماس لري او ډېری افغانان باور لري چې د نړیوال حضور نشتوالی به وضعیت لا خراب کړي؛ خو نړیوال حضور کولای شي ملاتړ او مخنیوی وکړي.
نوموړې زیاته کړې چې ټاکل شوې ده په راتلونکو ورځو کې په دوحه کې د کاري ډلو غونډې ترسره شي ترڅو د “موزاییک” طرحې د پلي کېدو جزییات مشخص شي.
د هغې په وینا، د دې طرحې موخه د افغانستان تدریجي بېرته ادغام دی، خو دا به یوازې د بشري حقونو او د ښځو د وضعیت له ښهوالي سره عملي شي.