یو شمېر معترضو مېرمنو ویلي چې پر افغانستان د طالبانو واکمنۍ وېره او ډار خپور کړی.
یادې مېرمنې چې ځانونه د مقاومت شورا غړې معرفي کوي وایي، د طالبانو له بیا راتګ سره د ښځو ټول حقونه له منځه وړل شوي دي.
دوی وایي، د طالبانو له لوري د ښځو حقونو او نجونو د زدکړو په برخه کې به چوپ پاتې نشي.
یادو مېرمنو پر ملګرو ملتونو هم نیوکه کړې چې یو شمېر برخو کې یې طالبانو سره تعامل کړی او دوی ته یې ځینو برخو کې مشروعیت وربښلی.
