د سوریې د لیرې شوي ولسمشر بشارالاسد میرمن اسما اسد له هغه څخه د طلاق غوښتنه کړې.
په خپاره شويو راپورونو کې ویل شوي، چې اسما اسد لندن ته ستنیږي.
ویل کېږي چې اسما اسد چې د سرطان په ناروغۍ اخته ده، د مسکو په یوه محکمه کې دوه عریضې وړاندې کړې، چې یوه یې له بشارالاسد څخه د طلاق او بله یې لندن ته د اجازه لیک غوښتنه ده.
اسما اسد غواړي چې په لندن کې خپله درملنه وکړي.
د یادونې ده چې سوریه کې د نظام له ړنګېدو وروسته د سوریې ولسمشر بشارالاسد له خپلې مېرمنې سره یو ځای روسیه کې پناه واخیسته او واک تحریرالشام ترلاسه کړ.
