د ملا عبدالسلام ضعیف هغه خبرو ته چې دوه ورځې وړاندې یې ویلي و چې په افغانستان کې د طالبانو حکومت سره درې زندانیان امریکایي جاسوسان دي، تازه احمد شاه حبیبي چې د طالبانو حکومت سره د زنداني محمود شاه حبیبي ورور دی ویلي:”ضعیف صاحب، تاسې د طالبانو سره درې تنه زندانیان، چي زما ورور محمود شاه حبیبي هم پکې شامل دی، جاسوسان بللي دي. پر څه بنسټ دا تور لګوئ؟ سند لرئ؟”
حبیبي ضعیف ته د پېغور په شکل ویلي، چې تاسې زما د مشر ورور تېمورشاه حبیبي او محمود حبیبي نمک خوړلی، هغه وخت هم ستاسې نظر همداسې وو که اوس دا خبرې کوئ.
نوموړي له ضعیف څخه پوښتنه کړې چې ذبیح الله مجاهد خو داسې څه نه وايي، چې ته د کومې سرچینې په حواله دا خبرې کوې.
