د طالبانو حکومت وايي، پرون تورخم کې د پاکستاني پوځیانو په ډزو کې یوه ښځه او دوه ماشومان وژل شوي دي.
د طالبانو حکومت د کورنیو چارو وزارت ویاند عبدالمتین قانع بېګا ناوخته په خپله ایکس پاڼه لیکلي چې پاکستاني پوځیانو د عامو خلکو کورونه هدف وګرځول.
نوموړي زیاته کړې چې دوی د خپلې خاورې دفاع ته چمتو دي.
راپورونه وایي چې دا نښته وروسته له هغې رامنځته شوه چې پاکستاني ځواکونو تورخم ته څېرمه په غوړکي سیمه کې پوستې جوړولې، خو طالب سرتېرو یې مخالفت وکړ.
