نن سهار د اوکراین په پلازمینه کیف کې د روسیې د توغندیو په برید کې پنځو تنو ته مرګ ژوبله اوښتې.
د اې ایف پي خبري اژانس د کیف د بیړنیو چارواکو په حواله ویلي، د پلازمېنې په ختیځ کې د یوه توغندي د لوېدو له امله دوه تنه وژل شوي او لږ تر لږه درې نور ټپیان شوي دي.
په ورته وخت کې د اوکراین ولسمشر ولادیمیر زیلینسکي وايي، د دې هېواد پوځ د روسیې په پولو کې دننه د جګړې د غځولو په هدف خپل «پوځي عملیات» پیل کړي او د دغه هېواد په خاوره کې دننه به جګړه پرمخ وړي.
