سره له دې چې د المان یو شمېر ښي اړخي او د محافظه کار ګوند غړي خپل هېواد ته د سوریایي کډوالو د ور ستنولو غوښتنه کوي؛ خو تېره ورځ د یاد هېواد لومړي وزیر اولاف شولتز ویلي، هغه سوریایي کډوال چې الماني ټولنه کې مدغم شوي، کېدلای شي پاتي شي.
هغه پر خپله ایکس پاڼه لیکلي، چې په دې اړه د دوی دریځ واضح دی.
نوموړي دغه راز د سوریایي کډوالو د اېستلو په اړه ځینې څرګندونې اندېښمنونکې بللې دي.
د یادونې ده چې د بشارالاسد د واکمنۍ پر مهال ګڼ سوریایي وګړي هېواد پرېښودو ته اړ شوي وو.
