د طالبانو حکومت د کډوالو چارو وزارت له امنيتي کمرو څخه یو شمېر عکسونه ترلاسه شوي، چې نننی ځانمرګی بریدګر او د برید قربانیان پکې لېدل کېږي.
عکس کې ليدل کېږي، چې بريدګر چاودېدونکي توکي خپل لاس کې ځای پر ځای کړي او داسې ښکارېدل چې لاس یې مات شوی.
طالبانو ویلي، چې د وزارت دننه سکېنر ماشين خراب و او بريدګر په سم ډول تالاشي شوی نه دی.
دغه عکسونو په ټولنیزو رسنیو کې د خلکو بېلا بېل غبرګونونه را پارولي.
